Сарахси мечитинде айымдар үчүн диний маектер 2
2025-жылдын 19-январында, жекшемби күнү, саат 10:00дөн 12:00гө чейин, КТМУнун Теология факультетинин кенже илимий кызматкери PhD Жолалиева Жазгүл Бишкек шаарындагы Сарахси мечитинде университеттин кыз студенттери жана айымдар үчүн “Пайгамбарыбыз (с.а.в) жана балдарды тарбиялоо” аттуу семинар өткөрдү.
Семинарда спикер Пайгамбарыбыздын (с.а.в) балдарды тарбиялоодо карманган негизги принциптери жөнүндө маалымат берди. Алар – жакшы үлгү болуу, сүйүү, мээримдүүлүк, адилеттүүлүк жана жоопкерчиликти үйрөтүү. Бул принциптердин ар бири түшүндүрүлүп, Пайгамбарыбыздын (с.а.в) жашоосунан алынган мисалдар менен бекемделди.
Семинарга чоң кызыгуу көрсөтүлүп, аягында катышуучулар балдарды тарбиялоо боюнча суроолорун беришти. Суроо-жооп бөлүмүнөн кийин тилектер айтылып, семинар жыйынтыкталды.
Университеттин кыз студенттери жана айымдар катышкан бул семинар 500гө жакын аялдын кызыгуусуна арзыды.
