Кыргыз-Түрк Манас университетинин теология факультети менен Юстиция министрлигинин Соттук-эксперттик кызматтын ортосунда кызматташуу келишими
2025-жылдын 12-февралында Кыргыз-Түрк “Манас” университетинин ректораты менен Кыргыз Республикасынын Юстиция министрлигинин Соттук-эксперттик кызматтын ортосунда кызматташуу келишимине кол коюлган. Бул келишимдин алкагында КТМУ Теология факультетинин студенттери Соттук-эксперттик кызматтын «Лингвистикалык, дин таану жана психологиялык экспертизалар башкармалыгында” практикадан өтүү мүмкүнчүлүгүнө ээ болушту. Келишимге кол коюлган күнү, 2025-жылдын 12-февралында КТМУ теология факультетинин деканынын м.а., PhD., проф. Хасан АЙЫК жана КТМУ Теология факультетинин кенже илимий кызматкери PhD. Жазгүл ЖОЛАЛИЕВА Соттук-эксперттик кызматтын кызматкерлери менен жолугушту. Жолугушууда Теология факультетинин студенттеринин аталган мекемеде практикадан өтүүсү жана келишимде көрсөтүлгөн башка багыттар боюнча кызматташуу иштери кеңири талкууланды. Кызматташуу келишиминин негизинде биздин факультеттин Диндерди таануу кафедрасынын студенти 2024-2025-окуу жылынын жазгы семестринде Соттук-эксперттик кызматка практикага жөнөтүлдү.
