Аялдар үчүн Сатук Бугра Хан мечити Рамазан программасы-1
Университетибиздин Теология факультетинин 2024-2025-окуу жылынын жаз мезгилинин социалдык жоопкерчилик иш-чараларынын алкагында уюштурулган «Аялдар үчүн Сатук Бугра Хан мечити Рамазан программасы» семинарлар сериясынын биринчиси болуп өттү.
2025-жылдын 6-мартында саат 16:00дө КТМУ Теология факультетинин окутуучусу м.а доц. доктор Айтмамат Кариев тарабынан “Фикх тармагындагы суроолор жана жооптор” аттуу семинар өттү. Факультетибиздин фикх тармагынын адиси болгон окутуучубуз семинар бою коомчулуктун ыйман, ибадат жана коомдук жашоо тууралуу суроолоруна кеңири жооп берди. Бир саатка жакын созулган программанын соңунда катышуучуларга курма тартууланды. Семинарга 80ден 100гө чейин адам катышты.
«Аялдар үчүн Сатук Бугра Хан мечити Рамазан программасы» Рамазан айы бою уланат. Максаты – жума сайын өткөрүлүүчү диний баяндамалар аркылуу университеттин студент кыздарына жана өзгөчө коомчулукка диний маселелер боюнча маалымат берүү. Мындан тышкары, Теология факультетинин академиктери, магистранттары жана докторанттардын салымдары менен катышуучулар суроолоруна жооп ала турган чөйрө түзүлөт.
Бул программа Манас университетинин жылуу жана достук атмосферасын чагылдыруу менен бирге кыргыз-түрк достугун чыңдоого да маанилүү салым кошот.
