2025-03-28
Салттык ооз ачуу программасы
КТМУ Теология факультети тарабынан 2025-жылдын 19-март шаршемби күнү уюштурулган салттуу ифтар программасы академиктердин, кызматкерлердин жакындарынын, студенттердин жана коноктордун катышуусунда өттү. Достук маанайда өткөн ифтар программасында биримдик, ынтымак жана бир туугандыкка басым жасалды.
Факультеттин деканы, профессор Хасан Айык Рамазан айынын руханий баалуулуктарына көңүл буруп, мындай жолугушуулар коомдук ынтымакты бекемдей турганын айтып, демөөрчү компанияга ыраазычылык билдирди. Программа каргашалуу жол кырсыгынан каза болгон маркум студентибиз Жазмина Руслан Кызы үчүн хатмдардын дубалары жана жакшы каалоолору менен аяктады.