2026-09-22
.jpeg)
Ветеринария факультетинде «Кош келиңиздер» иш-чарасы өткөрүлдү
Кыргыз-Түрк «Манас» университетинин Ветеринария факультети тарабынан 2026–2027-окуу жылынын алкагында 1-курстун студенттерине арналган «Кош келиңиздер» иш-чарасы өткөрүлдү.
18-сентябрь 2026-жылы өткөрүлгөн иш-чарада студенттерге факультеттин академиялык түзүмү, билим берүү мүмкүнчүлүктөрү жана практикалык окуу жайлары тууралуу маалымат берилди. Студенттер лабораторияларды, аудиторияларды, музейди, практикалык окуу жайларын жана ветеринардык клиниканы кыдырып, таанышты.
Иш-чара жаңы студенттердин факультетке ыңгайлашуусуна жана ветеринардык дарыгерлик кесибине болгон түшүнүгүн кеңейтүүгө багытталды.