«Бухгалтердик эсеп өткөндүн кынтыксыз судьясы, учурдун керектүү жетекчиси жана келечектин ишеничтүү кеңешчиси болуп эсептелет»
И.Ф. Шер
Программанын максаты
Кыргызстанда өсүп жаткан жеке сектор, активдүү ишкердик жана туруктуу каржылык өнүгүү үчүн квалификациялуу адистерге болгон муктаждык экономика тармагында чоң потенциалды шарттайт. Бирок, профессионалдуу бухгалтерлердин жана экономисттердин жетишсиздиги көп тармактарда өнүгүүнү жайлатууда. «Экономика жана бухгалтердик эсеп» программасы – бул эсепке алуу, анализ жана каржылык пландаштыруу багытында теориалык билимге жана практикалык көндүмдөргө ээ заманбап адистерди даярдоого багытталган.
Программанын негизги максаты — каржы-экономикалык структураларда, мамлекеттик мекемелерде, жеке компанияларда жана эл аралык уюмдарда натыйжалуу иштей алган турган кесипкөй адистерди даярдоо.
Биздин милдеттер
- Квалификациялуу адистерди даярдоо. Бухгалтердик эсеп, салык салуу, анализ жана аудит жаатында заманбап билимге ээ, жоопкерчиликтүү жана кесиптик этиканын принциптерин карманган адистерди тарбиялоо.
- Каржылык-аналитикалык ой жүгүртүүнү өнүктүрүү. Финансылык маалыматтарды талдоо, отчётторду түзүү жана экономикалык жактан негизделген чечимдерди кабыл алуу көндүмдөрүн үйрөтүү.
- Көп тилдүү даярдык. Бүтүрүүчүлөрдүн атаандаштыкка жөндөмдүүлүгүн ички жана эл аралык эмгек рыногунда жогорулатуу үчүн кыргыз, орус жана түрк тилдеринде эркин сүйлөй билүүсүн камсыз кылуу.
- Практикага багыт алуу. Теория менен практиканы айкалыштыруу максатында окуу кейстерин, тажрыйба өтүүлөрдү, ишкердик оюндарды жана реалдуу экономикалык процесстерди чагылдырган симуляцияларды колдонуу.
- Башкаруучулук жана лидерлик сапаттарды өнүктүрүү. Уюштуруучулук жөндөмдөрүн, башкаруучулук ой жүгүртүүнү жана командада иштөө көндүмдөрүн калыптандыруу.
- Ишкерлик ой жүгүртүү. Инициативаны колдоо, бизнес-пландоонун көндүмдөрүн жана стартап маданиятын өнүктүрүү.
- Социалдык жоопкерчиликти калыптандыруу. Коомго жана айлана-чөйрөгө жоопкерчиликтүү мамиле кылууга үйрөтүү, туруктуу өнүгүүнүн жана финансылык ачык-айкындуулуктун принциптерин кармана билүүгө даярдоо.
Практика өтүү мүмкүнчүлүктөрү
Биздин студенттер окуу учурунда 3 семестр практикадан өтүшөт. Практика төмөнкү мекемелерде өтөт: мамлекеттик жана жеке уюмдардын бухгалтерияларында, банктарда, салык органдарында, кичи жана орто бизнестеги ишканаларда.
Практиканын артыкчылыктары:
- реалдуу кесиптик көндүмдөрдү өнүктүрүү,
- финансылык сабаттуулукту жогорулатуу,
- эмгек рыногуна ыңгайлашуу.
Биздин өнөктөштүк мамиле аркылуу студенттер:
- реалдуу компанияларда стажировка өтүшөт,
- профессионалдык программалар менен иштешет,
- келечектеги жумуш менен камсыз болууга байланыштар түзүшөт.
Программаны иштеп чыгуу процесси
Программа 2005-2006-окуу жылында Кыргыз-Түрк «Манас» университетинин кесиптик колледжинде эмгек рыногунун талаптарын жана эл аралык билим берүү стандарттарын эске алуу менен иштелип чыккан. Колледж алгачкы бүтүрүүчүлөрүн 2009-2010-жылдары бүтүргөн.
Программанын өзгөчөлүктөрү:
- Сабактар заманбап класстарда, лабораторияларда өткөрүлөт,
- Окуу процессинде 1С:Бухгалтерия 8.3 колдонуулат,
- Теория менен практиканын гармониялуу айкалышы бүтүрүүчүлөргө профессионалдык чөйрөгө тез көнүүгө мүмкүндүк берет.
Бул программанын бүтүрүүчүлөрү ар кандай тармактарда суроо-талапка ээ болуп, жумуш берүүчүлөрдөн оң пикирлерди алып, кесиптик жактан өсүп жатышат.
Иштөө тармактары
Бул багыттан алган квалификация бүтүрүүчүлөргө төмөнкүдөй экономика жана финансы тармактарында иштөөгө мүмкүнчүлүк берет:
- Компаниялардын каржы-экономикалык бөлүмдөрү
- Бухгалтердик жана аудит фирмалары
- Банктар жана микрокредиттик уюмдар
- Салык органдары жана мамлекеттик түзүмдөр
- Консалтинг компаниялары
- Коммерциялык эмес уюмдар жана фонддор
- Эл аралык долбоорлор жана компаниялар
- Бухгалтердик эсеп жана консалтинг тармагында жеке бизнес
Бухгалтер жана экономист кесиптери Кыргызстанда гана эмес, каржы сектору өнүгүп жаткан чет мамлекеттерде да суроо-талапка ээ. Бул бүтүрүүчүлөргө туруктуулукту, карьералык өсүүнү жана андан ары билим алууга шарт түзөт.
Түздөн түз которуулу мүмкүнчүлүктөрү
Программаны ийгиликтүү аяктаган студенттер бакалавриат программаларына түздөн түз которуу системасы аркылуу окуусун уланта алышат.
Бизде билим алуу – бул сиздердин кызыктуу жана перспективдүү карьераңарга биринчи кадамынар.