2025-03-05
Орхун алмашуу программасынын алкагында семинар
Сарсен Аманжолов атындагы Чыгыш-Казакстан университетинен Орхун алмашуу программасынын алкагында Экономика бөлүмүнө келген Ержан Домалатов жана Динара Мамырбекова 2025-жылдын 4-5-мартында «Жогорку окуу жайда жасалма интеллектти пайдалануу» жана «Flipped classroom» санарип билим берүү ресурсун колдонуу аттуу семинар беришти.
Жасалма интеллект (ЖИ) көп тармакта колдонулат, анын ичинде медицинада диагноз коюу, каржы тармагында маалыматтарды талдоо, өнөр жайда автоматташтыруу, жана билим берүүдө жеке окуу процесстерин уюштуруу сыяктуу багыттарда маанилүү роль ойнойт. ЖИ адам жашоосун жеңилдетип, эффективдүүлүгүн арттыра алат, бирок ал ошондой эле этикалык жана коомдук көйгөйлөрдү да жаратат.
Бул семинарда жасалма интеллекттин негизги принциптери, анын тарыхы, азыркы абалы жана келечектеги мүмкүнчүлүктөрү тууралуу сөз болду. Ошондой эле, ЖИ технологияларынын коомдук жана этикалык таасирлери жөнүндө да талкууланып, аларды жоопкерчиликтүү колдонуу боюнча сунуштар берилди.
«Flipped classroom» санарип билим берүү ресурсун колдонуу» аттуу семинарда билим берүү тармагында жаңы жана инновациялык ыкмалардын бири — "Flipped Classroom" (Тескери сабак) ыкмасы менен таанышуу мүмкүндүгү сунушталды. Бул семинар заманбап билим берүү процесстерине санариптик жана интерактивдүү ресурстарды киргизүү аркылуу сабактардын сапатын жогорулатуу жана студенттердин активдүү катышуусун камсыз кылуу максатын көздөйт.
Семинарда бул ыкманын негизги принциптери, артыкчылыктары жана колдонуу мүмкүнчүлүктөрү тууралуу сөз болду. Ушул ыкма боюнча сабактарды уюштуруу үчүн санариптик билим берүү ресурстарын, программаларды жана платформаларды колдонуу жолдору көрсөтүлдү. Тескери сабак ыкмасы классикалык билим берүү моделинен айырмаланып, үй тапшырмаларын жана теориялык материалдарды үйдө, ал эми практикалык иштерди, талкууларды класста жүргүзүүгө негизделет.
