2026-04-09
Эл аралык мамилелер теориялары боюнча семинар
07.04.2026
Кютахья Думлупынар университетинен Erasmus алмашуу программасынын алкагында университетибизге келген доктор Волкан Календер бөлүмүбүздүн экинчи курс студенттерине семинар өткөрдү.
Англис жана түрк тилдеринде эки бөлүктө уюштурулган семинардын биринчи бөлүгүндө эл аралык мамилелер теориялары каралды. Академиялык негизде сунушталган теориялык маалыматтар студенттердин тема боюнча негизги түшүнүгүн бекемдөөгө багытталды.
Семинардын экинчи бөлүгү суроо-жооп форматында өттү. Бул бөлүктө эл аралык мамилелер теорияларынын практикада кантип колдонулары ар кандай заманбап жана тарыхый мисалдар аркылуу түшүндүрүлдү. Студенттер активдүү катышкан бул бөлүк теориялык билимди практика менен бекемдөөгө өбөлгө түздү. Программа катышуучулардын суроолоруна жооп берүү менен жыйынтыкталды.
