2025-04-21
“Борбор Азиянын мыкты студенти” эл аралык конкурсу – 2025 конкурсунан ийгилик!
2025-жылдын 10-февралынан 15-мартына чейин Борбор Азия мамлекеттеринин жогорку окуу жайларынын студенттери арасында өткөн эл аралык деңгээлдеги “Борбор Азиянын мыкты студенти” аттуу конкурсунда Кыргыз-Түрк “Манас” университетинин Тамак-аш инженерлиги бөлумү студенти Дамиров Адылхан жогорку жыйынтык көрсөтүп, аталган наамга ээ болду.
Конкурс эки этапта уюштурулган:
- Биринчи этап онлайн форматта өткөрүлүп, катышуучулардын билим деңгээли тест түрүндөгү тапшырмалар аркылуу бааланып, ошондой эле алардын буга чейинки илимий, коомдук жана чыгармачыл жетишкендиктери каралган.
- Экинчи этап Казакстан Республикасынын борбору – Астана шаарында болуп өтүп, анда студенттер “Илим”, “Спорт” жана “Өнөр” (Искусство) багыттары боюнча күч сынашты.
Дамиров Адылхан “Илим” багыты боюнча катышып, биринчиликти багынтты. Ал “Борбор Азияда азык-түлүк илиминин келечеги” темасында жогорку деңгээлдеги илимий презентация жасап, калыстар тобунун жана катышуучулардын жогору баасына татыды.
