2026-10-13
ФАО нун өкүлдөрү менен жолугушуу өткөрүлдү
2026-жылдын 8-октябрь күнү Тамак-аш инженерлиги бөлүмүнүн профессордук-окутуучу жамааты менен Греция мамлекетинин Афин айыл чарба университетинин окумуштуулары арасында жолугушуу болуп өттү. Жолугушууда Кыргызстандын негизги азык-түлүк курамы жөнүндө маалыматтар жаатындагы улуттук техникалык потенциалды чыңдоого багытталган актуалдуу темалар талкууланды. Ошондой эле, өлкөбүздүн азык-түлүк курамы жөнүндө маалыматтарды чогултуу боюнча жол карталарын иштеп чыгуу жана эл аралык практикалык мисалдар менен азык-түлүк курамы жөнүндө маалымат базаларын түзүү жана башкаруу принциптери тууралуу маалыматтар суроо-жооптор түрүндө бөлүшүлүп талкууланды. Ишенимдүү жана актуалдуу азык-түлүк курамы жөнүндө маалыматтар тамактануу боюнча далилдерге негизделген улуттук сунуштарды иштеп чыгуу, натыйжалуу коомдук тамак-аш жана тамактануу саясатын түзүү жана коомдук саламаттыкты сактоону чыңдоо боюнча чараларды ишке ашыруу үчүн негиз болуп саналат.
