2026-06-29
Өнөр жай инженериясы бөлүмүнүн окутуучулары Казакстандагы "Гласман" фабрикасына кызматташуу боюнча иш сапары менен барышты
Өнөр жай инженериясы бөлүмү университет-өндүрүш кызматташтыгын чыңдоо жана студенттердин өндүрүштүк тажрыйбаларын жеринде көрүү максатында жүргүзүлгөн иш-чараларын дагы бир маанилүү сапар менен толуктады. Бул алкакта, буга чейин кол коюлган эки тараптуу кызматташуу протоколунун негизинде, 2026-жылдын 19-июнунда, жума күнү бөлүмүбүздүн окутуучулары жардамчы доцент, PhD Селчук Гөрен жана доцент, PhD Бахар Өзйөрүк Казакстандын Талгар шаарында жайгашкан "Гласман" фабрикасына күн бою созулган натыйжалуу иш сапарын жасашты.
Иш сапар учурунда "Гласман" фабрикасынын заманбап өндүрүш ишканалары кыдырылып, өндүрүш процесстери жеринде байкалды жана жетекчилерден кеңири маалымат алынды. Бул техникалык текшерүүлөр менен бирге, фабрикада стажировкадан өтүп жаткан студенттерибиздин аткарган иштери, өзүнө алган милдеттери жана иштеп чыккан долбоорлору жакындан изилденип, бааланды. Ушундайча студенттерибиздин теориялык билимдерин практикалык иштер менен кантип бекемдеп жаткандары жеринде байкалды.
Жолугушуунун акыркы бөлүгүндө университет-өндүрүш кызматташтыгынын келечеги талкууланды. Алдыдагы окуу жылында биргелешип ишке ашырыла турган долбоорлор, бүтүрүүчү иштердин темалары жана жаңы кызматташуу мүмкүнчүлүктөрү боюнча өз ара пикир алмашуу болду. Иш сапар келечектеги анык долбоорлор үчүн бекем негиз түзүү жана кызматташуу байланыштарын чыңдоо менен ийгиликтүү аяктады.
