Философия бөлүмү

БӨЛҮМДҮН ТАРЫХЫ

Философия бөлүмү Кыргыз-Түрк «Манас» университетинин гуманитардык факультеттин алдында 2008-2009 окуу жылында ачылган. Философия бөлүмү тарабынан 2009-жылы “Философия Клубу” уюштурулган. 2014 жылы Кыргыз-Түрк «Манас» университетинде философия бөлүмүнүн магистратура программасы ачылган. Философия бөлүмү бакалавр жана магистратура программаларында студенттерге билим берип келүүдө.

БӨЛҮМДҮН МИССИЯСЫ

Илимий-техникалык прогресстин негизинде коомдун бардык тармактарында билимдүү адам ресурстарына болгон муктаждыктар көбөйүүдө. Ушундан улам өлкөбүздө да замандын талабына ылайык жаңы муундагы адистерди даярдоо муктаждыгы келип чыгууда. Кыргыз-Түрк «Манас» университетинин гуманитардык факультеттин философия бөлүмү коомдогу болуп жаткан өзгөрүүлөрдү туура аныктап, талдап, тактап, коомдун келечектеги өнүгүүсүнө салым кошо алган, эл аралык кызматташууларда иш алып бара алган жаштарды тарбиялоону жана билим берүүнү максаттайт. Студенттердин философиянын алдыңкы үлгүлөрү менен таанышып, алган билимин практика менен айкалыштыра алуусуна, философияны жогорку деңгээлде өздөштүрүүсүнө шарт түзүү жана бул маселени ишке ашыруу – бөлүмдүн миссиясы болуп эсептелинет

КЕЛЕЧЕККЕ КӨЗ КАРАШЫ

Эл аралык стандарттарга ылайык окуу программаларынын негизинде дүйнөлүк философия тажрыйбасына таянган, түрк элдеринин философиялык, коомдук маданий мурасын жакшы билген, өз өлкөсүнүн жана түрк дүйнөсүнүн өсүп-өнүгүүсүнө салым кошкон, азыркы коомдун маанилүү маселелерин иликтеп–изилдөөгө жөндөмдүү адистердин жаңы муунун тарбиялоо. Ар кандай кризистик абалга туура талдоо жүргүзө алган, мезгил маселелерине жана талаптарына жооп бере ала турган, көз карашы терең, ар тараптуу ой жүгүртө алган жогорку сапаттагы билимдүү адистерди даярдоо.

МАКСАТЫ

• Студенттерге эл аралык стандарттарга ылайык философия тарыхы боюнча терең билим берүү;
• Түрк элдеринин философиялык мурасы боюнча студенттердин көз карашын калыптандыруу;
• Студенттердин философия тармагында илимий изилдөө жүргүзүү көндүмдөрүн өстүрүү;
• Студенттердин жеке инсандык өнүгүүсүнө, философиялык көз караштарынын калыптануусуна салым кошуу;
• Талапка ылайык коомдун маанилүү маселелерин иликтеп–изилдөөгө жөндөмдүү, компетенттүү жаштарды тарбиялоо. 

БҮТҮРҮҮЧҮЛӨРДҮН ЖУМУШКА ОРНОШУУ МҮМКҮНЧҮЛҮГҮ

Кыргыз-Түрк «Манас» университетинин гуманитардык факультеттин философия бөлүмүнүн бүтүрүүчүлөрү төмөндөгү тармактарда үзүрлүү иштеп келишүүдө:

• Кыргызстан жана Түркиядагы жеке менчик жана мамлекеттик билим берүү тармактарында, ЖОЖдордо мугалим, изилдөөчү;
• Административдик аппараттарда адис;
• Коомдук, саясий, маданий окуяларды талдоочу, байкоочу жана серепчи;
• Маданий мекемелерде кызматкер;
• Мамлекеттик жана бейөкмөт уюмдарда адис;
• Гуманитардык маселелер боюнча эксперт.