2024-10-18
БӨЛҮМДҮ ТААНЫТУУ ЖЫЙЫНЫ
2024-жылдын 10-октябрында Чет Тилдер Жогорку Мектебинде Синхрон котормо бөлүмүнүн даярдоо курсунда түрк тилин үйрөнүп жаткан студенттер үчүн маалымат берүү жыйыны өткөрүлдү. Даярдоо программасын ийгиликтүү аяктагандан кийин Гуманитардык факультетинин Синхрондук котормо бөлүмүндө бакалавр деңгээлинде окууга мүмкүнчүлүк алган студенттерге бөлүм тууралуу кеңири маалымат берилип, ага жараша даярдануулары керектиги айтылды. Кыргызча-түркчө синхрондук котормо бөлүмүнө тапшырган 20 студент катышкан маалымат жыйынында ага окутуучу Мухиттин Гүмүш студенттерге төмөнкүлөр боюнча маалымат берди:
• Котормо жаатындагы негизги түшүнүктөр;
•Бакалаврда өтүлүүчү сабактардын өзгөчөлүктөрү;
•Жазуу котормодогу практикалар: адабий чыгармалар, расмий документтер жана башка ар түрдүү тармактардагы жазуу котормолор, субтитрдик котормо ж.б.;
•Оозеки котормо, ырааттуу котормо жана синхрондуу котормонун өзгөчөлүктөрү;
•Бөлүмдүн билим берүү шарттары: синхрондук котормо лабораторияларнын өзгөчөлүктөрү жана колдонуу ыкмалары;
•Бүтүрүүчүлөрдүн ишке орношуу мүмкүнчүлүктөрү;
•Ийгиликке жетишкен бүтүрүүчүлөр жана алардын иштеринен мисалдар;
•Бөлүмдөгү окутуучулардын илимий жана котормого байланыштуу эмгектери.
Слайддар менен коштолгон бөлүм таанытуу жыйынынын аягында студенттердин суроолоруна кеңири жооп берилди.
