2025-01-31
Туруктуу өнүгүү демилгелери
2025-жылдын 29-январында Кыргызстан-Түркиядагы “Манас” университетинин Колдонмо математика жана информатика кафедрасында “Туруктуу өнүгүү демилгелери” иш-чарасы болуп өттү. Иш-чарага кафедранын бардык студенттери катышты. Социалдык, экономикалык жана экологиялык көйгөйлөр белгиленген иш-чарада туруктуу өнүгүү боюнча түрдүү долбоорлор жана демилгелер талкууланды. SDI командасы социалдык долбоорлор жана стартаптар аркылуу жаштардын өнүгүү процесстерине активдүү катышуусуна үндөдү. Катышуучулар инновациялык долбоорлор аркылуу айлана-чөйрөнү коргоо, жашоонун сапатын жакшыртуу жана социалдык жоопкерчиликти жогорулатуу максаттары боюнча пикир алмашышты. Иш-чарада 2021-жылдагы Азык-түлүк системаларынын саммити жана SDG Жаштардын лидерлик программасы сыяктуу негизги демилгелер да баса белгиленди. Мындай уюмдар туруктуу өнүгүү максаттарына жетүүдөгү маанилүү кадам катары эсептелген.
