2025-03-27
Табигый илимдер факультетинде "Группам жана Мен" тренинги өттү
2025-жылдын 26-мартында Табигый илимдер факультетинин математика бөлүмүнүн 1-курс студенттери үчүн Студенттердин инсандык өнүгүү жана кенешүү борбору тарабынан "Группам жана Мен" аттуу тренинг уюштурулду.
Бул тренингдин максаты – студенттердин өз ара байланыштарын чыңдоо, командалык иштөө көндүмдөрүн өркүндөтүү жана алардын инсандык өнүгүүсүнө салым кошуу болду. Тренингди психолог, тренер Алтынай Карачалова жана Назира Сапаргалиева алып барышты. Иш-чаранын жүрүшүндө студенттер ар кандай топтук тапшырмаларды аткарып, бири-бири менен жакындан таанышып, жылуу сөздөрдү айтып, жылмаюу тартуулашты.
Иш-чара жылуу маанайда өтүп, студенттер өздөрү тууралуу жаңы нерселерди ачып, окуу процессинде топ менен иштешүүнүн маанисин дагы бир ирет тастыкташты. Тренингдин соңунда катышуучулар өз таасирлери менен бөлүшүп, бул сыяктуу иш-чаралардын пайдалуу экенин белгилешти.
