Жаңылыктар

2022-жылдын 12-декабрында жарыяланган UI GreenMetric World University Ranking программасына катышуунун жыйынтыгы боюнча, Кыргыз-Түрк «Манас» университети Кыргызстанда биринчи болуп дүйнөдөгү «жашыл» университеттердин катарына кирди.

Green Metric 2022 рейтингинде планетадагы "эң жашыл" университеттердин арасынан Кыргыз-Түрк «Манас» университети 85 өлкөдөн келген 1050 университеттин ичинен 710-орунду ээледи.

Рейтингге «Манас» университети Кыргызстандын атынан алгачкылардан болуп дүйнөдөгү «жашыл» университеттердин катарына кирди. КТМУ “Билим берүү жана изилдөө”, “Жайгашкан жер жана инфраструктура” жана “Энергетика жана климаттын өзгөрүшү” индикаторлорунун топтору боюнча эң жогорку баллга ээ.

2010-жылы Индонезия университети (Depok) тарабынан түзүлгөн UI GreenMetric World University Rankings рейтинг агенттиги дүйнө жүзүндөгү университеттерди алты категорияга бөлөт: университеттин ыңгайлуу инфраструктурасы; университеттин кампусунда энергияны үнөмдөөчү жана сууну үнөмдөөчү технологияларды колдонуу; университеттин калдыктарын кайра иштетүү жана сууну үнөмдөө программалары; университеттин кампусунда көмүр кычкыл газынын жана зыяндуу бөлүкчөлөрдүн чыгышын азайтуу үчүн ыңгайлуу транспорттук каттамдар; университеттин билим берүү программаларында экологиялык билим берүү.

Бул рейтингдин максаты университеттин жашыл кампус жана университеттердеги туруктуулук менен байланышкан учурдагы абалын жана саясатын баалоо болуп саналат. Бул мекеменин экологиялык жактан таза жана туруктуу саясаттарды жана программаларды ишке ашыруу боюнча жасаган аракеттерин чагылдырат.

Медиа Манас

http://mediamanas.kg/4740-ktm-dnyann-en-srdrlebilir-710-niversitesi-oldu.html