Жаңылыктар

Кыргыз-Түрк “Манас” университетинин экономика жана башкаруу факультети тарабынан Үзгүлтүксүз билим берүү борборунда баштала турган адистик сертификат программасы тууралуу семинар уюштурулду.

Экономика жана башкаруу факультетинин деканы жана ректордун кеңешчиси, PhD., профессор Серхат Бурмаоглу тарабынан берилген “Санариптик трансформация доорунда маалыматты коддоо жана визуалдаштыруу боюнча карьера мүмкүнчүлүктөрү” аттуу семинарда Үзгүлтүксүз билим берүү борбору баштай турган “Куика менен колдонмону өнүктүрүү” деген темада адистик сертификат программасынын максаты, мазмуну жана багыттары да түшүндүрүлдү.

Семинарга Түркиядан өз тармагынын адистери да онлайн катышты.

Университеттин кызматкерлери менен студенттерине багытталган адистик сертификат программасы аркылуу технологиядагы тез өнүгүүлөрдү, санариптештирүү аркылуу алынган жетишкендиктерди көбөйтүү жана жогорку деңгээлдеги карьера мүмкүнчүлүгүнө айлантуу максаты көздөлүүдө.

Куика учурдагы программалык камсыздоо технологиялары менен иштелип чыккан моделге негизделген платформа аркылуу тез колдонмо иштеп чыгууну жана жаңы программалык мүмкүнчүлүктөрдү сунуштайт. Куика моделине негизделген жогорку өндүрүмдүүлүк менен колдонмо иштеп чыгууга, анын ийкемдүү жана стандарттуу сапатта болушуна, иш процессине негизделген программалык дизайнга, гибриддик технологиялар аркылуу мобилдик телефондорго, планшеттерге арналган колдонмолор менен веб колдонмолорду биргелештирип иштеп чыгууга мүмкүнчүлүк берет.

Haberin Videosu: https://youtu.be/OD1a6-aByOw

Haberin Fotoğrafları: http://mediamanas.kg/lang-tr/4784-veri-grselletirme-ve-kodlamada-kariyer-frsatlar-semineri-verildi.html