Фергана мамлекеттик университетинин КТМУга иш сапары
Өзбекстандын Фергана мамлекеттик университетинин Психология кафедрасынын башчысы, профессор Муаззам Исакова баштаган профессордук-окутуучулук курам Кыргыз-Түрк “Манас” университетине иш сапар менен келди.
Эки окуу жайдын ортосунда академиялык кызматкерлер жана студент алмашуу программалары боюнча түзүлгөн кызматташтык келишимдин алкагында келген делегация үстүбүздөгү жылдын 17-18-сентябрь күндөрү КТМУнун Гуманитардык факультетинин педагогика бөлүмүнүн педагогикалык-психологиялык кеңеш жана көмөк программасынын студенттерине лекцияларды, семинарларды өткөрүштү.
Иш сапар тууралуу маалымат берген КТМУнун Гуманитардык факультетинин педагогика бөлүмүнүн педагогикалык-психологиялык кеңеш жана көмөк программасынын ага окутуучусу, док. Кадиан Бообекова студенттер үчүн бул уникалдуу мүмкүнчүлүк болуп, алар тарабынан чоң кызыгууну жаратканын белгилеп, мындай деди: “Бул сыяктуу иш-чаралар студенттердин академиялык өнүгүшүнө олуттуу салым кошууда.”
Иш сапардын алкагында эки окуу жайдын ортосунда биргелешкен илимий долбоорлорду ишке ашыруу жана мындан аркы кызматташтыкты бекемдөө боюнча сүйлөшүүлөр жүргүзүлдү.
Haberin Fotoğrafları:
