“Манас” университетинде Нооруз көргөзмөсү: Искусствонун борбору
Кыргыз-Түрк “Манас” университети Нооруз майрамын искусствонун түстүү дүйнөсүндө тосуп алып, Курманжан Датка атындагы сүрөт галереясында унутулгус сүрөт көргөзмөсүн өткөрдү. 2025-жылдын 20-мартында искусство сүйүүчүлөрү менен жолуккан көргөзмө Нооруздун шаңын жана түрк дүйнөсүнүн маданий байлыгын кездемеге түшүрдү.
Көргөзмөнүн ачылыш сөзүн сүйлөгөн “Манас” университетинин ректору, профессор Алпаслан Жейлан Нооруздун жөн гана жаз майрамы эмес, ошол эле учурда түрк дүйнөсүн бириктирген жалпы маданий мурас экенин баса белгиледи. Нооруз тынчтык, бир туугандык жана биримдик рухун символдоштурганын белгилеген профессор Жейлан түрк дүйнөсүнүн жалпы тарыхы жана келечеги тууралуу искусствонун универсалдуу тили менен баяндаган сүрөттөр чоң маданий байлык сунуштап жатканын айтып, көргөзмөнү даярдоого салым кошкон сүрөтчүлөргө жана окутуучуларга ыраазычылык билдирди.
Көркөм өнөр факультетинин живопись бөлүмүнүн башчысы, ага окутуучу Адилет Жанапилов Нооруз бир гана Кыргызстанда эмес, бүткүл түрк дүйнөсүндө достук жана тилектештиктин белгиси экенин айтты.
Кыргызстандагы алдыңкы 14 сүрөтчүгө таандык сүрөттөрдөн турган коллективдүү көргөзмө салттуу Нооруздун түстөрүн жана рухун искусство сүйүүчүлөрү менен бөлүштү. Түрк дүйнөсүнүн эстетикалык жана маданий байланышын чыңдаган бул өзгөчө көргөзмө көрүүчүлөр тарабынан чоң кызыгуу жаратты.
Нооруздун шаңын боёктор аркылуу чагылдырылган сүрөттөр өтмүштөн бүгүнкү күнгө чейин созулган маданий мураска жол ачты жана искусствонун бириктирүүчү күчүн көрсөттү. “Манас” университети тартуулаган бул көргөзмө Нооруздун маанисин искусствонун перспективасынан изилдөө үчүн бардык кызыккандар үчүн теңдешсиз тажрыйба тартуулады.
Instagram:
