Теология факультеттеринин биримдик жана координациялык семинары
Ишемби күнү, 2024-жылдын 30-ноябрында саат 09.00дө Garden мейманканасында Кыргызстандын ар кайсы университеттеринин теология факультеттеринин катышуусунда семинар болуп өттү. Семинарга КТМУнун проректору проф. Dr. Режаи Доган, ректордун кеңешчиси Проф. док. Кемал Полат, теология факультетинин деканы, проф. док. Хасан Айык жана башка теология факультеттеринин декандары жана профессорлору катышты. Семинардын ардактуу коногу – Түркиянын Улуу Улуттук Жыйынынын мурдагы чакырылышынын депутаты ошондой эле Ош теология факультетинин уюштуруучу деканы проф. док. Мустафа Эрдем Ачылыш сөзүндө Кыргызстандагы теология факультеттеринин көйгөйлөрүн чечүүдө семинардын маанисине токтолду. Андан соң жолугушууга проф. док. Мустафа Эрдем «Диний билим берүү мекемелеринин арасында теология факультетинин орду жана мааниси» деген темада баяндама жасады. Эрдем өз сөзүндө Кыргызстанда эгемендүүлүк алгандан кийин алгачкы Теология факультети ачылгандан берки күтүүлөр, ойлор жана жаралган көйгөйлөр тууралуу кеңири маалымат берип, тажрыйбасы менен бөлүштү. Жыйындын экинчи бөлүгүндө ар бир теология факультетинен спикер чыгып, жетишкен ийгиликтер, ташталган кадамдар, ой-пикирлери, күрөштөрү тууралуу маалымат беришти.
Программанын үчүнчү бөлүгүндө жолугушуунун ар бир катышуучусу тема боюнча өз ойлорун айтышып, айрым суроолор берилип, жооптор берилди. Программанын аягында теология факультеттери биримдикте иштеши керектиги айтылып, семинарды 6 ай сайын өткөрүү чечими кабыл алынып, ар бир катышуучуга ыраазычылык баракчасы тапшырылды.
