Квалификация жогорулатуу-3
2025-жылдын жазгы семестринде Кыргызстан-Түркия Манас университетинин Теология факультетинде 13-февралда «Динди туура түшүнүү жана инкультурация» аттуу иш-чара өттү. "Квалификация жогорулатуу" алкагында уюштурулган бул иш-чараны проф. док. Пола тКемал өткөрдү.
Иш-чаранын негизги максаты – ар кандай мекемелерде иштеген теология бүтүрүүчүлөрүнүн жана дин кызматкерлеринин кесиптик билимин жаңыртуу, диндин негизги темалары боюнча илимий жана туура маалымат берүү, туура жана туруктуу дин түшүнүгүн калыптандыруу болду.
Иш-чарада туура дин тандоо жана тандалган динди туура түшүнүүнүн мааниси, ыкмалары, диндин өлчөмдөрү, дин эмнени билдирет жана эмнени билдирбейт, ар кандай дин түшүнүктөрү талкууланды. Ошондой эле инкультурациянын заманбап миссионердик ыкма экендиги баса белгиленип, таасирдүү мисалдар келтирилди. Ислам менен башка диндердин айырмачылыктары салыштырылып, берилген суроолорго жооп берилди.
Семинарга болжол менен 40 адам катышып, майрамдык түнгө (Кандил кечеси) байланыштуу таттуу белектер берилди.
