2025-жылдын 12-январында, жекшемби күнү, саат 10:00дөн 12:00гө чейин, КТМУнун Теология факультетинин окутуучусу Бекмурзаева Миргүл Бишкек шаарындагы Сарахси мечитинде университеттин кыз студенттери жана айымдар үчүн “Жаназа жуу жана кепиндөө” аттуу семинар өткөрдү.
Ал жаназа жуу жана кепиндөө Исламдагы маанилүү салттардын бири экенин жана маркумду урматтоо менен акыркы сапарга узатууга багытталган диний милдет экенин белгиледи. Жаназа жуунун адебин жана анын кезегин түшүндүрдү. Ал маркумду жууну, негизинен анын жакын туугандары же диний билими бар адамдар аткарышы керектигин баса белгиледи. Ошондой эле, жуу учурунда адепсиз жүрүм-турумдан оолак болуу жана маркумдун денесинин тазалыгына өзгөчө көңүл буруу керектигин айтты.
Андан соң, кепиндөө процессин кеңири түшүндүрүп, анын аткарылышын көрсөтүп берди. Семинардын акырында, бул иштердин Исламда өтө маанилүү экенин жана маркумга урмат көрсөтүү менен акыркы милдетти аткаруу керектигин баса белгиледи.
Университеттин кыз студенттери жана айымдар катышкан бул семинарды 2000ге жакын аял зор кызыгуу менен укту.