"Кош келдиң Рамазан"
27-февраль 2025-жылы, бейшемби күнү, саат 15:15те КТМУнун Теология факультетинде, Калем студенттик клубу Рамазан айынын руханий атмосферасын сезүү жана студенттер арасында биримдикти, ынтымакты бекемдөө максатында "Кош келдиң Рамазан" аттуу иш-чара уюштурду. Абу Ханифа амфисинде өткөн иш-чара чоң кызыгуу менен кабыл алынды. Программага КТМУнун ректору профессор доктор Жейлан Алпарслан, ректордун кеңешчилери профессор доктор Полат Кемал жана профессор доктор Өзкаржы Мехмет, Теология факультетинин деканы профессор доктор Айык Хасан, окутуучулар, административдик кызматкерлер, студенттер жана коноктор катышты.
Иш-чара Куран окуу менен башталды. Андан соң, Калем студенттик клубунун координатору PhD доценттин м.а. Кариев Айтмамат клубдун тарыхы, көз карашы жана миссиясы тууралуу кыскача маалымат берди.
КТМУнун ректору профессор доктор Жейлан Алпарслан Рамазан айы сабырдуулук, бөлүшүү жана руханий тазалануу мезгили экенине токтолуп, бул ыйык айдын мааниси жана өзгөчөлүгү тууралуу ойлорун бөлүштү жана иш-чараны уюштурган топко ыраазычылык билдирди. Иш-чаранын жүрүшүндө студенттер даярдаган поэзия окуу, театр көрсөтүүлөрү жана интеллектуалдык викторина катышуучулар тарабынан чоң кызыгуу менен кабыл алынды. Ошондой эле, бул программа катышуучуларга тынчтык жана ынтымак тартуулады.
Программанын соңунда даярдалган сый тамактар берилди жана жылуу атмосферада иш-чара жыйынтыкталды.
