Квалификацияны жогорулатуу боюнча семинарлар 5
Ар түрдүү диний мекемелерде иштеген теология факультетинин бүтүрүүчүлөрүнө жана дин кызматкерлерине диний билимдерди бекемдөө, заманбап коомдо диний жетекчиликти натыйжалуу камсыз кылуу жана алардын кесиптик өнүгүүсүнө колдоо көрсөтүү максатында КТМУнун Теология факультетинде "Квалификацияны жогорулатуу" боюнча семинарлар уланууда. Ушул алкакта, 2025-жылдын 27-февраль бейшемби күнү, саат 16:00дө, КТМУнун Теология факультетинин окутуучусу, PhD доценттин м.а. Кариев Айтмамат Ислам укугунда үрп-адаттардын орду жана салттуу ислам түшүнүктөрүнүн анализи аттуу семинар өттү.
Спикер ислам укугу Куран, Сүннөт, ижма жана кыяс сыяктуу негизги булактарга таянгандыгы менен катар, коом тарабынан тарых бою калыптанган үрп-адаттар да эске алынарын жана алар фыкых чечимдерине кандай таасир этерин белгиледи. Андан соң, салттуу ислам түшүнүктөрүн талдоо диний адабиятты түшүнүүдө чоң мааниге ээ экенин баса белгиледи.
Семинардын соңунда биздин окутуучу өз китептерин катышуучуларга белек кылды.
