Тереңдик менен кеңдиктин жолугушуусу чекити
КТМУнун Теология факультети менен КТМУнун Коммуникация факультети жана КТМУнун Адабият факультетинин ортосунда кошумча адистик (ябоюнча кызматташтык алкагында жолугушуулар өткөрүлдү.
Өткөрүлгөн кеңешме жыйынында факультеттер аралык академиялык өз ара аракеттенүүнү күчөтүү, студенттердин дисциплиналар аралык билим алуу мүмкүнчүлүктөрүн натыйжалуу пайдалануу жана ян-дал программасынын мазмунуна байланыштуу негизги маселелер талкууланды. Жолугушуунун жүрүшүндө ар түрдүү академиялык тармактардын билим тажрыйбасын бириктирүү студенттердин интеллектуалдык өнүгүүсүнө жана кесиптик компетенцияларына олуттуу салым кошору белгиленди. Азыркы учурда коомдук, маданий жана санариптик өзгөрүүлөр теология, коммуникация жана адабият сыяктуу тармактардын бири-бирин толуктаган жактарын дагы да айкын көрсөтүүдө. Ушул алкакта пландалган ян-дал кызматташтыгы студенттердин өз адистиги боюнча терең билим алуусу менен катар, башка дисциплиналардын ыкмалары жана көз караштары менен да таанышуу мүмкүнчүлүгүн түзүүнү максат кылат.
Жыйындын жүрүшүндө теология факультетинин студенттеринин коммуникация жана адабият тармактарында өз оюн билдирүү жана талдоо жөндөмдөрүн өнүктүрүү; коммуникация факультетинин студенттеринин этикалык жана баалуулукка негизделген көз карашын калыптандыруу; адабият факультетинин студенттеринин диний жана коммуникациялык ыкмалар аркылуу маданий талдоо мүмкүнчүлүгүн жогорулатуу негизги багыттардын бири катары белгиленди. Жолугушуулар университетибиздин дисциплиналар аралык билим берүүнү колдогон көз карашына ылайык, өз ара жакшы ниет жана академиялык кызматташтык маанайында жыйынтыкталды. Бул багыттагы баалоо жана пландаштыруу иштери алдыдагы мезгилде да улантылары күтүлүүдө.
