Кыскача
Кыргызстан өзүнүн биологиялык ар түрдүүлүгү жана экологиялык потенциалы боюнча Борбор Азияда гана эмес, бүткүл дүйнөдө эң маанилүү өлкөлөрдүн бири. Өлкө мол суу ресурстарына, кең жана бай платолорго, туруктуу экологиялык абалга, өсүмдүктөрдүн көп түрдүүлүгүнө ээ жана бийик тоо жайыттары бар. Кыргызстан биоэкологиялык малдын ишенимдүү булагы катары дүйнө жүзү боюнча көбүрөөк көңүл бурууда. ??? (Кыргызстан экологиялык таза этти өндүрүүчү катары дүйнөгө таанымал болууда. Же Кыргызстан таза эт азыктарын алуу максатында малдын саламаттыгына айрыкча маани берүүдө. Же Кыргызстан экологиялык жактан таза этти өндүрүүчү катары дүйнө жүзүнүн көңүлүн бурууда).
Ветеринария факультетинин миссиясы - жаратылышка жана жаныбарлардын жашоосуна билгичтик менен кам көргөн жогорку квалификациялуу ветеринарларды даярдоо жана окутуу. Кыргыз-Түрк “Манас” университетинин бүтүрүүчүлөрү өлкөдө мал чарбасын өнүктүрүүгө, адамдардын жана жаныбарлардын ден соолугун коргоого, ошондой эле дүйнө жүзү боюнча адамдардын жыргалчылыгын жакшыртуу үчүн жаратылыш ресурстарын сарамжалдуу пайдаланууга олуттуу салым кошушат.
Башкы максат - ветеринария факультетин дүйнөлүк ветеринардык коомго интеграциялоо. Бул үчүн факультеттин жана университеттин жетекчилиги Камкорчулар кеңеши менен катар бардык изилдөөлөр, билим берүү процесси, академиялык имараттар, лабораториялар, ветеринардык клиника жана жаныбарлар кармалган жайлар Европанын ветеринардык билим берүү мекемелери ассоциациясы тарабынан белгиленген стандарттарга жооп бергендей түзүлүшү керек деп чечишти. Ушул максатта жүргүзүлгөн иштердин натыйжасында КТМУнун Ветеринария факультети Кыргызстанда гана эмес, бүтүндөй Борбор Азияда маанилүү билим берүү борборуна айланды.
Студенттер тил үйрөтүү курстарын аяктап, андан кийин негизги билим берүү курсун аяктоо үчүн беш жыл окушат. Тогуз семестр талап кылынган теориялык жана практикалык билим берүүнүн соңунда студенттер бир семестрди университеттеги ветеринардык клиникада жана мал чарба объектилеринде иштөөгө, Кыргызстанда же Түркияда стажировкадан өтүүгө жумшап, кесиптик жашоосу үчүн зарыл болгон ыкмаларды жана практикалык көндүмдөрдү үйрөнүшөт.
Ветеринардык илимдин миссиясын жаныбарлардын ден соолугун коргоо менен гана чектөө жаңылыштык болмок. Ветеринардык илим адамзаттын ден соолугуна түздөн-түз байланышы бар жана жаныбарлар менен адамдардын ден соолугун бөлүп кароо мүмкүн эмес. Адамдарды жаныбарлардан же жаныбарлардын азыктарынан адамдарга өтө турган оорулардан сактоо ветеринарлардын эң маанилүү миссиясы болуп саналат. Муну илимпоз Иван Павлов таамай айткан (айрым булактар аны башка илимпоз Евсеенкого таандык деп эсептесе дагы): "Медициналык дарыгер адамды дарылайт, ал эми ветеринардык дарыгер адамзатты дарылайт."
Биздин саны өсүп жаткан калкыбыздын азык-түлүктүн коопсуз булактарына ээ болушун камсыз кылуу, жаныбарлардын түрлөрүн жана породаларын (малдын асыл тукумдуулугун жакшыртуу үчүн деп койгон эле туура го) жакшыртуу үчүн жаңы технологиялар жана илимий ачылыштар колдонулуп жатат. Бүгүнкү күндө коомдун жана дүйнөнүн муктаждыктарын канааттандыруу үчүн ооруларды аныктоо, дарылоо жана алдын-алуу ыкмалары жана технологиясы дайыма өзгөрүп, өркүндөтүлүп жана өнүгүп турат.