2025-03-05
Археолог Салтанат Алишер кызынын лекциясы
28-мартта Ош мамлекеттик университетинин доценти, археолог Салтанат Алишер кызынын гуманитардык факультеттин тарых бөлүмүнүн студенттери үчүн “Кыргызстандын аймагындагы таш доорунун эстеликтери” деген темада ачык лекциясы өткөрүлдү. Лекцияда Кыргызстандын Ош жана Баткен облустарынын эстеликтерин изилдөө боюнча кызыктуу жаңы материал тартууланды. Кадамжай районундагы Обишир жана Сур-Ункур эстеликтеринде өзгөчө орун бөлүндү. Бул жерде эл аралык экспедиция тарабынан 8 миң жыл мурда жапайы кой-эчкилерди колго үйрөтүүнүн башталгандыгы тууралуу далилдер табылган. Генетикалык материалдар Германиядагы белгилүү илимий изилдөө борборунда анализден өткөн.
Ош университетинин доценти Салтанат Алишер кызы Кыргыз-Түрк “Манас” университетинин бүтүрүүчүсү. Кийин аспирантурада Россия Федерациясынын илимдер академиясынын Сибирь бөлүмүндө окуган. Кандидаттык диссертацияны ийгиликтүү жактап, Кыргызстанда эл аралык экспедиция уюштуруп келе жатат. Биз анын лекциясы студенттер үчүн абдан маанилүү болду деп эсептейбиз.
