Журналистика бөлүмү Коммуникация факультетинин бир тармагы катары факультетибиздин башка бөлүмдөрү менен бирге илимий максатта ар кандай жергиликтүү/эл аралык конференция, симпозиум жана панелдерди өткөрүүдө жана студенттерге, университетке, университеттин таанытуусуна байланыштуу коомго багытталган маданий, спорттук ж.б. тармактарда долбоорлорду ишке ашырып келет. 2022-2023 окуу жылында өткөрүлгөн илимий иш-чаралар төмөндө берилди.
Докт., ага окут. Гүлзада Станалиеванын “Жазуу ишинде жеке стилди табууга багыт” аттуу семинары өттү
Кыргыз-Түрк “Манас” университетинин Коммуникация факультетинин İLEF 313-аудиториясында 2023-жылдын 3-март күнү саат 13:30до “Жазуу ишинде жеке стилди табууга багыт” темасында семинар болуп өттү.
Семинарда теманы аныктоо, текст жазууга даярдык көрүү, маалымат топтоо, аларды иргөө, абзацтар менен иштөө, сөз менен иштөө, редакциялоо иши тууралуу маалымат берилди. Семинарга журналистика бөлүмүнүн 2-курсунун студенттери катышышты.
