КОЛДОНМО АТЕЛЬЕ ЖАНА ЖАРНАМА АГЕНТТИГИ
Кыргыз-Түрк Манас Университетинин «Коомчулук менен байланыш жана реклама» бөлүмүнүн курамында, окуу жайыбыздын жетекчилигинин колдоосу менен 2023–2024-окуу жылында Колдонмо Ателье жана Жарнама Агенттиги түзүлдү.
Бул борбор студенттерибизге теориялык билимдерин практикалык тажрыйба менен айкалыштырууга, чыгармачыл долбоорлорду ишке ашырууга жана тармактык байланыштарды түзүүгө шарт түзгөн аянтча катары пландаштырылган. Ошондой эле бөлүмдүн академиялык потенциалын университетибиздин жана тиешелүү мекемелердин коммуникациялык муктаждыктарына жараша колдонуу максатын көздөйт.
Агенттик алкагында аткарылуучу негизги иш-аракеттерге төмөнкүлөр кирет: корпоративдик өздүк стилди түзүү, социалдык медианы башкаруу, таанытуу кампаниялары, иш-чараларды уюштуруу, коомчулук менен байланыш боюнча долбоорлор, креативдүү контенттерди жаратуу жана башка колдонмо багыттагы иштерди ишке ашыруу.
Колдонмо ателье жана жарнама агенттиги — студенттерибиздин тармактык көндүмдөрүн өркүндөтүүнү, команда менен иштөө жөндөмүн өнүктүрүүнү жана окууну аяктагандан кийин эмгек рыногуна даяр, атаандаштыкка жөндөмдүү адистер катары чыгышын көздөйт.
2D жана 3D анимация лабораториясы, C-204
Кыргыз-Түрк "Манас" университетинин Коммуникация факультети заманбап жабдуулар менен жабдылган: ТВ студиясы, мобилдик кино өндүрүш жабдуулары, фотография, анимация, графика жана монтаж лабораториялары. Бул шарттар студенттерге теориялык билимди практикалык көндүмдөр менен айкалыштырып, чыгармачылык жана кесиптик өнүгүүгө мүмкүнчүлүк берет .
Реклама жана коом менен байланыштар бөлүмүнүн анимация лабораториясы (С-204) 2005-жылы, студенттерге анимация жана үч өлчөмдүү моделдештирүү процессин үйрөтүү максатында ачылган. Бул лаборатория студенттер учун графикалык станциялардын жардамы менен (25 даана) эки өлчөмдүү анимациядан баштап, үч өлчөмдүү моделдештирүүгө чейин практикалык көндүмдөрдү аткарууга шарт түзөт .
1. Практикалык билим берүү
Анимация лабораториясы студенттерге теориялык билимди практикалык көндүмдөр менен айкалыштырып, заманбап технологияларды колдонуу аркылуу реалдуу долбоорлорду иштеп чыгууга мүмкүнчүлүк берет. Булар – анимация, графикалык дизайн, видео өндүрүү жана медиа өнөр жайы үчүн абдан маанилүү.
2. Жаратмандык өнүгүү
Лаборатория чыгармачыл ой жүгүртүүнү жана оригиналдуу мазмун жаратууну өнүктүрөт. Студенттер өз идеяларын визуалдык түрдө чагылдырууну үйрөнүшөт, бул болсо визуалдык коммуникация чөйрөсүндө атаандаштыкка жөндөмдүү адистерди даярдоого өбөлгө түзөт.
3. Заманбап технологияларга жеткиликтүүлүк
Анимация лабораториясы студенттерге жана окутуучуларга Adobe After Effects, Autodesk Maya, Blender, Toon Boom Harmony ж.б.у. сыяктуу кесиптик программалык камсыздоолорду колдонуу мүмкүнчүлүгүн берет.
4. Илимий жана чыгармачыл долбоорлорду колдоо
Бул лаборатория аркылуу факультет ар кандай илимий, маданий жана чыгармачыл долбоорлорду ишке ашыра алат. Мисалы, кыска метраждуу анимация тасмаларды жаратуу, медиа презентациялар даярдоо же эл аралык фестивалдарга катышуу сыяктуу иштер.
5. Кесиптик адистерди даярдоо
Анимация лабораториясы студенттерди медиа индустриясы үчүн актуалдуу жана практикалык көндүмдөр менен камсыз кылат. Бул аларды теле-радио, кино, билим берүү жана жарнама сыяктуу тармактарда иштөөгө даярдайт.
Лабораториянын жабдуулары
Анимация лабораториясы заманбап техникалык жабдуулар менен камсыздалган:
- Графикалык планшеттер жана чийүү үчүн ноутбуктар – эки өлчөмдүү (2D) анимация жана санариптик сүрөт тартуу үчүн.
- Күчтүү иш станциялары – үч өлчөмдүү (3D) моделдештирүү жана анимация үчүн.
- Adobe After Effects, Autodesk Maya, Blender, Toon Boom Harmony сыяктуу кесиптик программалар.
- Мультимедиа жабдуулары – видео монтаждоо, үн жаздыруу жана жарыктандыруу үчүн.
Бул жабдуулар студенттерге анимациялык долбоорлорду иштеп чыгууда жана эл аралык сынактарга катышууда практикалык тажрыйба топтоого шарт түзөт.
Өтүлүүчү сабактар
Анимация лабораториясында төмөнкү сабактар окутулат:
- Анимация негиздери – 2D жана 3D анимациянын теориясы жана практикасы.
- Үч өлчөмдүү моделдештирүү – 3D объекттерди түзүү жана анимациялоо.
- Санариптик сүрөт тартуу – графикалык дизайн жана иллюстрация.
- Аракеттүү графика, видео монтаж жана пост-продакшн – графиканы анимациялоо, видео материалдарды монтаждоо жана эффекттерди колдонуу.
- Сценарий жазуу жана сториборд түзүү – анимациялык долбоорлор үчүн сценарийлерди жана кадрлардын планын түзүү.
Бул сабактар студенттерге анимациялык долбоорлорду толук циклде иштеп чыгуу жөндөмүн үйрөтөт.
Кесиптик мүмкүнчүлүктөр
Анимация лабораториясында алынган билим жана тажрыйба студенттерге төмөнкү тармактарда иштөөгө мүмкүнчүлүк берет:
- Кино жана телевидение – анимациялык фильмдер жана телепрограммалар.
- Жарнама – анимациялык жарнамалык роликтерди түзүү.
- Оюн индустриясы – оюндар үчүн анимация жана графика.
- Билим берүү – билим берүүчү анимациялык материалдарды даярдоо.
Студенттер ошондой эле улуттук жана эл аралык кинофестивалдарга жана сынактарга катышып, өздөрүнүн чыгармачылык иштерин көрсөтө алышат.
Лабораториянын иштөө тартиби
Анимация лабораториясы жумасына 5 күн, дүйшөмбүдөн жумага чейин иштейт. Иштөө убактысы:
- 08:55 – 17:30 (түштөнүү тыныгуусу: 12:00 – 13:30)
- Лаборатория атайын практикалык сабактар үчүн, ошондой эле өз алдынча долбоорлор жана курстук иштерди аткаруу үчүн студенттерге ачык болот.
Лабораториянын графиги факультеттин окуу планын эске алуу менен түзүлөт жана семестр сайын жаңыртылып турат.
Сабактардын расписаниеси (мисал катары)
- Дүйшөмбү: Анимация негиздери – 08:55–12:20
- Шаршемби: Үч өлчөмдүү моделдештирүү – 13:30–15:50
- Шейшемби: Аракеттуу графика – 08.55-11.50
- Бейшемби: Санариптик сүрөт тартуу – 13:30–16:50
- Жума: Видео монтаж жана пост-продакшн – 09:00–10:50
Так расписание ар семестр башында жарыяланат жана окутуучулар тарабынан белгиленет.
Кошумча
|
БӨЛҮМ: |
Коомчулук менен байланыш жана жарнак бөлүмү |
|
Лаборатория жайгашкан жерде (имарат № ): |
Коммуникация факультети С-204 |
|
Лаборатория аты: |
Анимация лабораториясы |
|
Лабораториянын ачылыш жылы |
2005 |
|
Лабораториянын максаты |
Анимация |
|
Лабораториянын түрү (изилдөө, колдоо, билим берүү): |
Билим берүү |
|
Лабораториянын аянты жана сыйымдуулугу (адам): |
25 |
|
Учурдагы жабдуулар үчүн сарпталган сумма ($): |
$40000
|
