Кыскача
Кыргыз-Түрк «Манас» университетинин Экономика жана башкаруу факультети 1997-жылы билим бере баштаган, 2002-жылы алгачкы бүтүрүүчүлөрүн уядан учурган. 2004-жылдын башталышында Жал кичи районундагы имаратына жайгашкан бул факультеттин алдыга койгон максаты, базар экономикасынын талаптарына жооп берген, демилгечи, уюштургуч, жетектөөгө жөндөмдүү адистерди даярдоо болуп саналат. Бул максаттарды ишке ашырууда керектүү имарат, технология жана адам ресурстары менен камсыздалган факультетибиз 3 бөлүм жана 4 программа менен иш алып барат:
Экономика бөлүмү
Менеджмент бөлүмү
Эл аралык мамилелер бөлүмү.
Экономика бөлүмүнүн финансы жана кредит программасы
Бардык бөлүмдөрдө бир жылдык кыргыз жана түрк тилдерин үйрөтүүчү даярдоо курстары бар. Азыркы убакта даярдоо курсунун студенттерин кошкондо 663 студентибиз бар. Экономика, Менеджмент, Финансы жана кредит, Эл аралык мамилелер бөлүмдөрүнөн 1882 бүтүрүүчү аяктаган. Бүтүрүүчүлөрүбүз маркетолог, бухгалтер, экономист, башкаруучу болуп же болбосо өзүлөрүнүн ишканаларын ачып жеке ишкер катары иштеп жатышат.
Студенттерибизге Кыргызстан жана Түркиянын эң алдыңкы университеттеринен келген окутуучулар сабак берип жатышат. 2025-2026-окуу жылында факультетибизде 5 профессор, 8 доцент, 4 доценттин милдетин аткаруучу, 1 ага окутуучу болуп жалпысынан 18 толук ставкадагы окутуучу жана 1 кенже илимий кызматкер эмгектенет. Мындан сырткары 2 профессор, 6 доцент, 1 доценттин милдетин аткаруучу жана 2 ага окутуучу жарым ставкада жана саат башына төлөм алып эмгектенүүдө. Факультетибизде ар бир окутуучу жумада эки күн, күнүнө эки сааттан студенттерге академиялык кеңеш берүү кызматын көрсөтөт. Деканат жана бөлүм башчылыктарында 5 административдик кызматкер иш алып барат.