2025-02-25
Сыр өндүрүү өзгөчөлүктөрү
2024-жылдын 20-февралында Кыргыз-Түрк “Манас” университетинин инженердик факультеттин тамак-аш инженерлиги бөлүмүнүн ага окутуучусу Др. Айгул Усубалиева жана Др. Айбек Бодошов тарабынан уюштурулган “Сыр өндүрүү өзгөчөлүктөрү” аттуу окутуу-практикалык иш-чарасы болуп өттү. Иш-чарага тамак-аш инженерлиги бөлүмүнүн бөлүм башчысы доц. Анарсеит Дейдиев ачылыш сөзүн сүйлөп, аталган бөлүмдүн профессордук-окутуучулар курамы, 1-2-3-4-курсунун студенттери жана башка бөлүмдөрүнүн окутуучулары катышышты. Иш-чарага ЖЧК "Ат-Башы Сүт" ишканасынын башкы адиси, сыр даярдоо мастери Кыргызбаева Жибек Асанакуновна катышып, кээ бир сыр түрлөрүн алуунун технологиялары тууралуу маалыматтар менен мастер форматында бөлүштү. Катышуучулар сыр даярдоо өзгөчөлүктөрү тууралуу көптөгөн суроолорго жооп алышты. Студенттер сыр даярдоону лабораториялык шартта улантышты. Бул практикалык иш-чарадан студенттер теориялык алынган маалыматтарды сыр даярдоо мастеринен өндүрүш шартында кандайча өндүрүлгөндүгү тууралуу маалымат алып, практика жүзүндө даярдалуусун көрүп үйрөнүштү. Жыйынтыгында даярдалган сыр азыктарын катышуучулар дегустация өткөрүшүп, талкулоо жүргүзүлдү. Иш-чара сертификаттарды тапшыруу жана жамааттык эстеликке сүрөткө түшүү менен аяктады.
