Математика бөлүмү

   

 ТАРЫХ

 Табигый илимдер факультетине караштуу “510100 Математика” багытында бакалавларды даярдаган түзүм болуп эсептелет. Математика бөлүмү Кыргыз-Түрк «Манас» университетинин Камкорчулар кеңешинин 25.04.2008-ж.  №2006-25.100  чечими жана КР Билим берүү жана илим министрлигинин лицензиясынын негизинде ишке ашырылууда. “Математика” багыты боюнча бакалавр программасына студенттерди кабыл алуу 2008-жылдан бери жүргүзүлүүдө. Кыргызстан-Түрк «Манас» университетинин илим факультетинин математика бөлүмү эл аралык билим берүү стандарттарынын талаптарына ылайык бүгүнкү күндөгү математика жана компьютердик технологиялар тармагындагы өнүгүүлөрдү кылдаттык менен байкап, аспирантурага бакалавр даражасына ээ адистерди даярдап келет. Математика бакалавриат программасы математикалык методдорду колдонуу менен изилдөө жүргүзө алган, процесстердин жана объекттердин математикалык моделдерин уюштура алган, экологиялык, экономикалык жана каржылык маселелерди чечүүдө активдүү роль ойногон математикалык моделдерди даярдаган жана колдоно алган адистерди даярдайт.

МАКСАТ

“Математика” (бакалавр) программасынын максаты: Бакалаврларды, фундаменталдык жана колдонмо математика, эксперименталдык-конструктордук иштер, математикалык моделдөө, табият таануунун, техниканын, экономиканын жана башкаруу маселелерин чыгаруунун эффективүү ыкмаларын иштеп чыгуу багыттарныда ар тараптуу кесиптик ишмердүүлүккө даярдоо үчүн алардын социалдык – инсандык сапаттарын (максаттуулук, уюшкандык, тырышчаактык, жоопкерчилик, атуулдук, коммуникативдүүлүк, сабырдуулук, жалпы маданиятын жогорулатуу) өнүктүрүү, универсалдуу жана профессионалдык компетенцияларды калыптандыруу аркылуу алардын эмгек рыногунда социалдык мобилдүүлүгүнө жана туруктуулугуна шарт түзүү.

Ишмердүүлүк багыттары

1. «Математика» багытында бакалаврларды, магистрлерди жана докторлорду (PhD) даярдоо боюнча билим берүү программаларын ишке ашырат;

2. Илимий-изилдөө иштерин жүргүүү: илимий долбоорлорду аткаруу, илимий басылмаларга макала даярдоо жана жарыялоо, илимий конференцияларды уюштуруу жана катышуу, илимий симпозиум, семинар, тегерек стол жана жолугушууларды уюштуруу, «Математика» багытында магистрдик жана доктордук(PhD) диссертацияларды жетектөө, ошондой эле бакалаврдык  дипломдук иштерди жетектөө.

3. Студенттер менен окуу –тарбия иштерин жүргүзүү (куратордук, практикалык, маданий жана кайрымдуулук иш-чаралары).

4. Бөлүмдүн окутуучуларынын жана студенттеринин факультеттин, университеттин, шаардын жана өлкөнүн  өнүгүүсүнө салым кошуусу.

Профессордук-окутуучулук курамы

     Бөлүмдүн билим берүү багыттары боюнча программалары жогорку квалификациялуу, педагогикалык тажрыйбасы бар бөлүмдүн профессордук-окутуучулук курамы менен ишке ашырылып жатат. Булар 1 профессор, 3 доцент, 1 доцент м.а., 1 академиялык адис. Алар математиканын көптөгөн жаңы тармактарында фундаменталдык жана колдонмо илимий изилдөөлөрдү жүргүзүшөт. 

Бөлүмүбүздүн кураторлорунун тизмеси

• ​доц. Dr. Эльмира АБДИЛДАЕВА (1-класс)
• Эксперт Азат АКМАТБЕКОВА (2-класс)
• доцент. доц. Dr. Пейил ЭСЕНГУЛ КЫЗ (3-класс)
• доц. Dr. Тамара КАРАСЕВА (4-класс)