Жаңылыктар

Кыргыз-Түрк "Манас" университети 8-июнь күнү онлайн форматта өткөн 21-кылымдын билим берүү изилдөөлөрүнүн эл аралык конгрессине катышты.

Анда билим берүү тармагындагы изилдөөлөр каралып, келечекте билим берүүнүн стратегиялары талкууланды. Ошондой эле өткөн кылымда билим берүү тармагында жүргүзүлгөн изилдөөлөргө баа берилди. Онлайн конгресстин негизги максаты билим берүү тармагында жасалган маанилүү иштерге көңүл буруу менен алдыдагы пландарды иштеп чыгуу болду.

Коомдун жана билим берүүнүн сапатын жогорулатууга багытталган бул иш-чара илим тармагындагы жаңы ыкмаларды өздөштүрүүгө, жаштардын билим деңгээлин көтөрүүгө өбөлгө түздү.

Конгресске 6 университеттин ректору катышып, модераторлук милдети "Бурдур Мехмет Акты Эрсой" университетинин Билим берүү факультетинин деканы, профессор Фирдевс Сави Чакарга жүктөлдү.

Жыйынга катышкан Кыргыз-Түрк "Манас" университетинин ректору, профессор Алпаслан Жейлан заманбап билим берүү усулдары мезгил талабы экенин эске салды.

"Биз бул жыйынга заманбап билим берүү системасына баа берүү жана жаңы усулдарды өздөштүрүүнү талкуулоо үчүн чогулдук. Билим берүү тармагын изилдөө канчалык маанилүү экенин билебиз. Ал аркылуу билим берүүнүн жаңы ыкмаларын колдонуу, жаңы системаларды ойлоп табуу жана колдонуу мүмкүн. Биздин "Манас" университетибиз түрк дүйнөсүнө өзгөчө билим берүү милдетин мойнуна алган билим берүү уюму болуп саналат. Биз билим берүү мекемелерине илимий изилдөөлөр аркылуу үлгү болууну максат кылганбыз. Ошондой эле жаңы изилдөөлөргө өзгөчө көңүл бурабыз",- деди ректор.

Конгресске ректор Алпаслан Жейландын сырткары бир топ жогорку даражадагы билим берүү кызматкерлери катышты.

Иш-чараны уюштурууга "Манас" университетинин Гуманитардык факультетинин окутуучусу, доцент Эркан Эфилти катышты.

Конгресске катышкан башка билим берүү адистери "Манас" университетинин билим берүү тармагында жасаган изилдөөлөрүнө жогорку бааларын беришти. Ошондой эле конгресстин катышуучулары маанилүү идеялар менен бөлүшүп, билим берүү тармагын өнүктүрүүнүн жол картасын кабыл алды.

Ошентип, бул конгресстин катышуучулары "Манас" университетинин билим берүү тармагында заманбап методдор колдонуларына дагы бир жолу ынанды.

ММК жана коомчулук менен байланышуу бѳлүмү

Haber fotoğrafları: https://www.instagram.com/p/CtVyMb4t047/?igshid=MTc4MmM1YmI2Ng==