Кыргыз Республикасынын Өзгөчө кырдаалдар министрлиги университетибиздин ректору, профессор Алпаслан Жейланга медаль ыйгарды
“5-октябрь – Кыргызстанда өзгөчө кырдаалдардын тобокелдигин азайтуу күнү” чоң шыктануу менен белгиленди. Күндүн маанисине ылайык уюштурулган спорттук мелдештердин жеңүүчүлөрү 2023-жылдын 5-октябрында сыйлык алышты. КР ӨКМдин Куткаруучуларды даярдоочу мамлекеттик борборунун куткаруу отряддарына атайын кесиптик дипломдор жана сертификаттар тапшырылды. Сыйлык тапшыруу аземи Кыргыз Республикасынын Өзгөчө кырдаалдар министрлигинин Беловодское айылындагы башкармалыгында өттү.
Салтанатка КР Өзгөчө кырдаалдар министри Бообек Ажыкеев, Кыргыз-Түрк «Манас» университетинин ректору, профессор Алпаслан Жейлан, ректордун кеңешчиси жана чет тилдер жогорку мектебинин мүдүрү, профессор Режаи Доган, мүдүрдүн орун басары Салия Вайсканова, тил үйрөтүү бөлүмүнүн башчысы Фатих Башкапан, Кытай Республикасынын темир жол инженериясынын кыргыз коомчулугунун менеджери Хан Фанюн, Кыргыз-Орус № 28 кесиптик лицейинин директору Сагынбек Чагарбаев, КР Куткаруучуларды даярдоочу мамлекеттик борборундагы топтордун үй-бүлөлөрү жана басма сөз өкүлдөрү катышты.
КР Өзгөчө кырдаалдар министри Бообек Ажыкеев ачылыш сөзүн куткаруу топторуна ыраазычылык билдирүү менен баштап, өзгөчө кырдаалдарда куткаруу отряддарынын маанилүүлүгүн белгиледи.
Өз сөзүндө министр Ажыкеев салтанатка катышкан университетибиздин ректоруна ыраазычылык билдирип, университетибиздин Кыргызстан жана Борбор Азия үчүн маанисин баса белгиледи. Жай мезгилинде “Манас” университетинин чет тилдер жогорку мектебинин Түркия түркчөсү окутуучулары тарабынан берилген Түркия түрк курсу студенттер үчүн чоң жетишкендик экенин белгилеп, «Манас университети Кыргыз Республикасынын менен Түркиянын маданий жакындыгын бекемдөө жана эки өлкөнүн ортосундагы тилдик байланышты бекемдөө үчүн чоң аракет жасап келет. Биз бул аракетти көрүп жатабыз жана буга кам көрөбүз."- деди. Салтанатты көрүүгө келген үй-бүлөлөргө багытталган аракетте да Кыргыз-Түрк «Манас» университетинин кыргыз-түрк боордоштугуна жана достугуна кошкон салымы чоң экенин белгиледи. Ал ошондой эле кыргыз жаштарын сапаттуу жана бекер билим берүү аркылуу жашоого даярдап, тарыхка, өздүк аң-сезимге ээ болууга багыт берип жаткан «Манас» университетинин жамаатына ыраазычылык билдирип, бул кызматташтыкты мындан ары да өнүктүрүү керектигин билдирди.
Сапаттуу жана акысыз билим берүү менен кыргыз жаштарын жашоого даярдаган, аларга жол көрсөткөн “Манас” университетинин жалпы жамаатына ыраазычылык билдирип, дагы да өнүгүшүнө ийгилик каалады.
Ректор, профессор Алпаслан Жейланга медаль ыйгаруу
Сыйлык тапшыруу аземинде КР Өзгөчө кырдаалдар министрлиги тарабынан Кыргыз-Түрк «Манас» университетинин ректору, профессор Алпаслан Жейланга аскердик жана жарандык кызматташтыкка кошкон салымы үчүн медаль тапшырылды.
КР Өзгөчө кырдаалдар министри Бообек Ажыкеев тарабынан ыйгарылган сыйлык тапшыруу аземинен соң Кыргыз-Түрк «Манас» университетинин ректору, профессор Алпаслан Жейланга сөз берилди. Өз сөзүндө 6-февралдагы жер титирөөдө Түркияга биринчилерден болуп кыргыз боордоштор жардам колун сунгандыгын айтып, кыргыз куткаруучу топторунун аракетин жогору баалады. Ал жер титирөө учурунда куткаруу топторунун аракетин жогору баалап, ыктыярчылыктын жана ийгиликтин баяны болгон бул эрдикти унутпоо керектигин баса белгиледи. Ошондой эле Түрк дүйнөсү жана адамзат үчүн мындай кырсыктардын кайталанбашын каалады.
КР Өзгөчө кырдаалдар министрлиги менен кызматташууга маани беришээрин белгилеген ректор, профессор Алпаслан Жейланга “Манас” университети 47 студентке түрк тилин А1 деңгээлинде үйрөтүшкөнүн жана бул студенттердин сабактарга болгон көңүл буруусуна абдан ыраазы болгонун айтты. “Манас” университетинде кыргыз жана түрк тилдерин үйрөтүүгө маани бергени үчүн чет тилдер жогорку мектебинин мүдүрү, профессор Режаи Доганга да ыраазычылыгын билдирди.
Жаш куткаруучуларга сыйлыктар тапшырылды
Салтанаттын жүрүшүндө КР Билим берүү жана илим министрлиги, Маданият, маалымат, спорт жана жаштар саясаты министрлиги, Ички иштер министрлиги, Транспорт жана коммуникациялар министрлигине караштуу ар кайсы аймактардагы жаш куткаруучуларга сыйлыктар тапшырылды.
Иш-чара КР Коргоо министрлигинин аскерлери тарабынан аткарылган салтанаттуу шоу менен аяктады.
ММК жана коомчулук менен байланыш бөлүмү
Haberin fotoğrafları:
https://www.instagram.com/p/CyBRI3XMGGT/?utm_source=ig_web_copy_link&igshid=MzRlODBiNWFlZA==
Haberin videosu: