Жаңылыктар

2023-жылдын 11-октябрында Гази университетинде Түрк дүйнөсүн изилдөө фонду тарабынан Сакария университетинин алдындагы Түрк дүйнөсү Колдонмо жана изилдөө борборунун алкагында “Түрк дүйнөсү" 21 - Эл аралык коомдук илимдер конгресси өткөрүлдү.

Түрк дүйнөсүндө академиялык, социалдык, экономикалык жана билим берүү тармактарында кызматташууну максат кылган бул эл аралык конгресс Түркия Республикасынын түптөлүшүнүн 100 жылдыгына карата өткөрүлдү.

Кыргыз-Түрк “Манас” университетинин ректору, профессор Алпаслан Жейлан “Түрк дүйнөсү" 21 - Эл аралык коомдук илимдер конгрессинин ачылыш аземине онлайн катышты.

Ректор, профессор Алпаслан Жейлан бул конгресстин түрк дүйнөсүнүн биримдигине, бир туугандыгына жана келечегине жарык чачкан илимий аракет экенине көңүл бурду.

Ошол эле учурда Махмуд Кашгаринин “Ат – түрктүн канаты,” - сөзүн эске салып, бул конгресс коомдук илимдер тармагында түрк дүйнөсүнүн канаты экенин белгиледи.

Өтмүштөн бүгүнкүгө илимий мурастын изинде

Ректор Жейлан конгресстин тамыры Кыргыз-Түрк «Манас» университетинде түптөлгөнүн эске салып, бул конгресстин 21-кылымга жылышына кубанычта экенин билдирди. Ошондой эле, “Урматтуу төрага, профессор Туран Язган негиздеген Түрк дүйнөсүн изилдөө фондунун жолун жолдоп жатабыз. Ал бизге мурас катары калтырган баалуулуктарды сактап калууга аракетиндебиз. Профессор Туран Язгандын уулу, Түрк дүйнөсүн изилдөө фондунун төрагасы Кожан Язганга да терең ыраазычылык билдирем», - деди жана бул конгрессти уюштурууга салым кошкондор менен бирге Гази университетинин ректору, профессор Муса Йылдызга ыраазычылыгын билдирди.

“Түрк дүйнөсү" 21 - Эл аралык коомдук илимдер конгресси түрк дүйнөсүнүн келечегине жарык берген маанилүү илимий талкуулардын каалгасын ачып, түрк дүйнөсүнүн биримдигин, ынтымагын жана ынтымагын бекемдөөгө жасалган маанилүү кадам катары сакталып калды.

ММК жана коомчулук менен байланыш бөлүмү

Haberin Fotoğrafları:

https://www.instagram.com/p/CyaMOV8NCZa/?utm_source=ig_web_copy_link&igshid=MzRlODBiNWFlZA==