“Аялдарга жана балдарга карата зомбулукка бөгөт коюу” темасында семинар өткөрүлдү
“Манас” университетинин Касым Тыныстанов атындагы жыйындар залында Кыргыз Республикасынын Ички иштер министрлиги тарабынан “Аялдарга жана балдарга карата зомбулукка бөгөт коюу” темасында өткөрүлгөн семинар кызыгуу менен кабыл алынды. 2023-жылдын 7-декабрь күнү өткөрүлгөн иш-чара аялдарга карата зордук-зомбулукту алдын алууга жана жоюуга чакырган 16 күндүк акциянын негизинде уюштурулду.
Семинарда зомбулукка каршы кылмыш жаза кодекси, укук бузуулар жана кылмыш-жаза процессуалдык кодекстери жөнүндө маалымат берилди. Физикалык, психологиялык, экономикалык сыяктуу зомбулуктун түрлөрү тууралуу айтып берүү менен студенттердин маалымдуулугун жогорулаткан аталган семинар абдан пайдалуу болду.
Иш-чаранын жүрүшүндө зомбулуктун түрлөрү чагылдырылган “Жалгыз кыз” аттуу кыска метраждуу тасма жана“Ак кеме”, “Акыркы сабак” тасмаларынан үзүндүлөр көрүүчүлөргө көрсөтүлдү. Бул тасмалар аркылуу коомдогу зордук-зомбулуктун ар кандай аспектилери жана кесепеттери ортого коюлду.
ММК жана коомчулук менен байланыш бөлүмү
https://www.instagram.com/p/C0pG_09t3yz/?utm_source=ig_web_copy_link&igshid=ODhhZWM5NmIwOQ==