“Манас” университетинде TSE сертификатын жаңыртуу аудити ийгиликтүү аяктады
Кыргыз-Түрк “Манас” университети Түрк стандарттары институтунун (TSE) Сертификациялоо борборунун башкармалыгы тарабынан жүргүзүлгөн TS EN ISO 9001: 2015 Сапатты башкаруу системасынын сертификатын жаңылоо аудитин ийгиликтүү аяктады.
2024-жылдын 21-24-май күндөрү өткөрүлгөн бул маанилүү текшерүү TSE башкы аудитору Мехмет Али Гөксел тарабынан жүргүзүлдү.
Текшерүүнүн биринчи күнүндө TSE башкы аудитору Мехмет Али Гөксел “Манас” университетинин ректору, профессор Алпаслан Жейлан менен жолугушту. Жолугушуудан соң “Манас” университетинин кызматкерлери үчүн “Сапатты башкаруу системасынын негиздери жана документация боюнча маалыматтык тренинг”, “Тобокелдиктерге негизделген процессти башкаруу боюнча тренинг” жана “Сапатты башкаруу системасы боюнча (TS EN ISO 9001:2015) ички аудитти окутуу” боюнча окутуулар уюштурулду.
Аудиттин жүрүшүндө университеттин бардык академиялык жана административдик бөлүмдөрү комплекстүү текшерүүдөн өттү. Факультеттер, институттар жана башкармалыктарга барып, аларга деталдуу баа берилди. Төрт күнгө созулган интенсивдүү текшерүү процессине университеттин бардык бөлүмдөрү активдүү катышты.
Сертификаттарды жаңыртуу аудитинин жыйынтыктоочу жыйыны 2024-жылдын 24-майында университеттин ректоратынын жыйындар залында өткөрүлдү. Жыйынтыктоочу чогулушта Мехмет Али Гөксел баа берүүнүн жыйынтыктары менен бөлүшүп, университеттин сапаттууиш алып баруусуна канааттангандыгын билдирди жана жакшыртуу боюнча айрым сунуштарын айтты. Жыйында сөз сүйлөгөн “Манас” университетинин башкы катчысы жана университеттин сапатты башкаруу боюнча өкүлү, профессор Октай Өзгүл окуу жайдын сапатты башкаруу системасына берген маанисин жана бул процесстеги умтулуусун баса белгиледи.
Профессор Өзгүл Мехмет Али Гөкселге натыйжалуу иш алып барганы үчүн ыраазычылык билдирип, ыраазычылык баракчасын ыйгарды.
“Манас” университети TS EN ISO 9001:2015 Сапатты башкаруу системасынын стандарттарына ылайык келерин дагы бир жолу далилдеди. Бул процессте көрсөтүлгөн берилгендик жана кызматташтык университеттин сапатты башкарууга болгон умтулуусун бекемдеди.
“Манас” университети сапатты башкарууда ийгиликтүү иш алып баруусу менен эл аралык стандарттарга ылайык келүүнү жана билим берүү тармагында мыкты ийгиликтерди жаратууну улантууда.
Haberin Fotoğrafları:
