2026-04-23
КТМУнун Ветеринардык факультетинин студенттери К.И. Скрябин атындагы КУАУга академиялык сапар жасашты
Кыргыз-Түрк «Манас» университети Ветеринардык факультетинин студенттери К.И. Скрябин атындагы Кыргыз улуттук агрардык университетине академиялык сапар жасашты. 2026-жылдын 21-апрелинде өткөн иш-чара факультеттин окутуучусу Калиман Касымалиеванын жетекчилиги астында уюштурулду.
Сапардын алкагында студенттер кабыл алуучу университеттин ветеринария тармагындагы билим берүү шарттары, практикалык мүмкүнчүлүктөрү жана илимий ишмердүүлүгү тууралуу маалымат алышты. Бул иш-чара студенттердин кесиптик өнүгүүсүнө өбөлгө түзүп, ар кандай билим берүү чөйрөлөрү менен таанышууга мүмкүнчүлүк берди.
Иш-чаранын жыйынтыгында студенттердин ветеринардык кесипке болгон кызыгуусу жогорулап, эки университеттин ортосундагы академиялык кызматташтыкты чыңдоого салым кошкону белгиленди.
