2002-2003-окуу жылында ишке кирген басма сөз жана коом менен байланыш бюросу университеттин түптөлүү максаты менен миссиясынын алкагында өз милдеттерин аткарып келет.
Кыргызстан жана Түркия баш болгон кызматташтык түзүлгөн уюмдар, мекемелер менен адамдардын позитивдүү пикирлерин алуу, колдоолоруна ээ болуу жана аны мындан ары да арттыруу негизинде милдеттерин аткарат.
Бул максаттарга жетүү үчүн басма сөз жана коом менен байланыш бюросунун милдеттери төмөнкүлөр:
- Университет жетекчилигине маалымат агымын камсыз кылуу максатында визуалдык жана аудио маалымат каражаттарына тынымсыз байкоо салып, маанилүү жаңылыктарды жеткирүү;
- Басма сөз кызматы менен мамилелерди жөнгө салуу;
- Коомчулук менен байланыш иш-аракеттерин натыйжалуу жүргүзүү;
- Университет тууралуу коомчулукта позитивдүү имидж жаратуу максатында профессионалдуу иш алып баруу;
- Университеттин корпоративдик кадыр-баркын сактоо жана жогорулатууга багытталган иштерди жүргүзүү.
Басма сөз жана коом менен байланыш бюросунун максаттуу аудиториясы: университеттин кызматкерлери, студенттер, алардын үй-бүлөлөрү, Кыргызстан жана Түркия баш болгон түрк тилдүү мамлекеттер, өнүккөн дүйнөлүк университеттер, жергиликтүү, улуттук жана эл аралык басма сөз мекемелери.