Кыргыз-Түрк Манас Университетинин ден соолук борбору
Саламаттыкты сактоо, маданият жана спорт департаментинин курамындагы Ден-соолук борборунун дирекциясы 1999-жылдан бери студенттерибизге, кызматкерлерибизге жана кызматкерлерибиздин үй-бүлөлөрүнө саламаттыкты сактоо кызматын көрсөтө баштады. 2020-жылы университетибиздин Ч.Айтматов атындагы кампусунда имараттарынын бири жаңыланып, Шейит Эрен Бүлбүлдүн атынан Ден-соолук борбору жана COVID-19 диагностикалык борбору катары пайдаланууга берилди. Кыргызстандын мыйзамдарына ылайык толук жабдылган Ден-соолук борбору Кыргыз Республикасынын Саламаттыкты сактоо министрлиги тарабынан аккредитацияланган. 2022 жылдын 13-январь айынан баштап гематология жана биохимиялык лабораториясы иштеп баштады.
Көрсөтүлгөн медициналык кызматтар
Тез жана биринчи медициналык жардам, бейтаптарды поликлиника шарттарында жалпы текшерүү, диагноз коюу, дарылоо жана өнөкөт оорулары барларды мезгил-мезгили менен көзөмөлдөө жаатында жүргүзүлөт. Зарыл болгон учурда, бейтаптарды кененирээк текшерүү жана дарылоо үчүн тиешелүү жогорку денгээлдеги ден-соолук бөлүмдөрүнө жөнөтүлөт.
Студенттер үйүндө 2 өзүнчө изоляция бөлмөсү ( кыздар жана балдар) бар.
Ден-соолук борборунунда 6 дарыгер иштешет:
- (2 терапевт, үй бүлөлүк дарыгер, гинеколог, кулак мурун тамак адиси, невролог),
- 8 медайым
- 1 лаборант
Биздин ден-соолук борборубуз сиздер үчүн күнү-түнү кызмат кылат.
Ден соолук борборунун жабдуулары
- ЭКГ аппараты, ЭКГ Холтер, рентген, УЗИ, реанимациялык монитору, кычкылтек концентратору, небулайзер, глюкометр.
- COVID-19 ПЦР лаборатория жабдуулары: 2 класстагы биологиялык коопсуздук боксу, Real-time CFX96 Touch амплификатору.
- Гематология жана биохимиялык лаборатория жабдуулары: MicroCC-20 Plus автоматтык гематологиялык анализатор, жарым автоматтык биохимиялык анализатор
Жыл сайын университеттин студенттери жана кызматкерлери көкүрөк рентгенинин текшерүүсүнөн өтөт (кургак учук жана башка өпкө ооруларынын алдын алуу үчүн).
Келишим боюнча стоматологиялык поликлиникага жиберилген студенттердин дарылануу чыгымдарынын 50% университет тарабынан каржыланат.
