Университеттин Окумуштуулар кеӊешинин 2001-жылдын 1-мартындагы №34-чечими менен Кыргыз-Түрк “Манас” университетинин Студенттик Кеӊеши жана студенттик клубдардын иш алып баруусу боюнча инструкция” кабыл алынган. Аталган инструкция боюнча студенттердин билим берүүгө тийиштүү кеӊештерде жана платформаларда өкүлчүлүк кылуу жана социалдык, маданий спорттук иш-чараларды уюштуруу мүмкүнчүлүгү каралган. Университет Студенттик Кеңештин уюштурган иш-чараларына дайыма колдоо көрсөтүп келет.
Студенттик кеӊеш университеттин ичинде жана тышында студенттик өкүл катары иш алпарган компетенттүү жалгыз уюм болуп саналат. Кеӊеш университет жана студенттер арасындагы байланышты түзүү менен, студенттердин демократиялык түрдө университетти башкаруусуна катышууну камсыз кылат. Бул жоопкерчилик Студенттик кеӊештин мүчөлөрү факультеттин, бөлүмдөрдүн жыйындарына катышып, ал эми кеӊештин төрагасы болсо университеттин Окумуштуулар кеӊешинин жыйындарында ой-пикир жана сунуштарын билдирип, жетекчилик менен бөлүшүү жолу аркылуу камсыздалат. Студенттик кеӊеш студент жана жетекчилик арасында көпүрө катары милдет аткаруу менен студенттердин ар түрдүү көйгөй жана маселелерине баа берип, ишке ашыруу сыяктуу маанилүү миссияга ээ. Өзгөчө студенттердин көйгөйлүү маселелерин чечүү процессинде керектүү иш-чараларды жүргүзүү менен алардын аткарылышына көз салып турушат.
Студенттик клубдар
Студенттик клубдар - студенттик жашоонун маанилүү бир бөлүгү болуп саналат. Студенттик клубдар студенттерибизге өзүн өзү өнүктүрүүгө, команда катары иштөөгө жол көрсөтүп, бош убактыларын социалдык, маданий жана спорттук иш-чаралар менен өткөрүү үчүн курулган студенттик бирикмелер. 2022-2023 окуу жылында университетибизде 39 студенттик клуб иш жүргүзүүдө.
- "Агро өнүгүү" клубу
- "Театр" клубу
- "Эл аралык мамилелер" клубу
- "Биота" экология клубу
- "Коомдук байланыш жана жарнама" клубу
- "Философия" клубу
- "Манас" көркөм өнөр клубу
- "Компьютер илими" клубу
- "Ойлоншоу" интеллектуалдык клубу
- "Манас" велосипед тебүүчүлөр клубу
- "Орто Азиянын тарыхы" клубу
- “Жаныбарларды сүйүүчүлөр” клубу
- "Жаш маркетологдор" клубу
- "Жаштар долбоору" клубу
- “Туризм” клубу
- "Энактус" клубу
- Кыргыз тилинде "Манас" дебат клубу
- Орус тилинде "Манас" дебат клубу
- “Экономика” клубу
- “ТамаШака” клубу
- “Ак-ниет” кайрымдуулук клубу
- "Жаңырык" адабият клубу
- “Лыжа тебүүчүлөр” клубу
- "AIESEC" клубу
- "Жеке инсандык өнүгүү" клубу
- "Альпинизм, издөө, куткаруу жана биринчи жардам көрсөтүү" клубу
- "Англис тилинде сүйлөшүү" клубу
- "Музыка" клубу
- "Дамла" ыктыярдуулук клубу
- “Chemclub” клубу
- "Компас" клубу
- "Келгиле, түркчө сүйлөшөлү" клубу
- "Орто Азия философиясы" клубу
- "Түрк дүйнөсүнүн ой жүгүртүшү" клубу
- "Жаш лидерлер" клубу
- "Орусча сүйлөгүм келет" клубу
- "E-Lab" клубу
- “Эмпатия” клубу
- "Социология" клубу
